YANGA SC imekamilisha
usajili wa mlinzi wa kushoto kutoka Kikosi Maalumu cha Kuzuia Magendo Zanzibar
(KMKM), Mwinyi Hajji ili kumpa changamoto Oscar Joshua na Edward Charles
wanaocheza nafasi hiyo.
Mwinyi, mchezaji wa Taifa
Stars, jana makao makuu ya klabu hiyo, Jangwani, Kariakoo, Dar es salaam
alisaini mkataba wa miaka miwili kuwatumikia mabingwa hao wa Tanzania bara.
Tumefanya mahojiano
maalumu na Mwinyi kujua baadhi ya mambo kutoka kwake;
Swali: Zipo timu nyingi
Tanzania bara, lakini umeamua kusaini Yanga, kitu gani kimekuvutia?
Mwinyi: Nilikuwa na ndoto
tangu zamani kwenda Yanga na sasa nimesaini mkataba wa miaka miwili. Hakika
ndoto zangu zimetimia!, nitaichezea Yanga.
Swali: Wachezaji wengi wa
Tanzania hawapendi kutaja kiwango cha fedha walichosajiliwa, vipi wewe unaweza
kutuambia umesaini kwa shilingi ngapi?
Mwinyi: Hiyo ni siri yetu
yaani mimi na klabu!, si unajua tena katika maisha! binadamu mara hivi, mara
vile! Inabidi ibaki kuwa siri yangu na klabu tu, baaaasi!
Swali: Yanga ni klabu
kongwe na mabingwa mara nyingi zaidi wa Tanzania bara, familia yako imepokeaji
taarifa za wewe kusajiliwa na klabu hii?
Mwinyi: Wamenipokea kwa
mikono miwili na heshimu zote, unajua maombi yao ndio yamenifikisha hapa
nilipo.
Swali: Baada ya kusaini
umeendelea kuvaa vitu vyenye rangi ya Yanga, tunaona kofia, fulani, saa ya
mkononi vyote ni Yanga, hayo ni mapenzi baada ya kusajiliwa?
Mwinyi: Sio mapenzi
baada ya kusajiliwa, tangu zamani naipenda Yanga, hata ukinichinja! damu
itakayotoka ni rangi ya Yanga. kwasasa nimeingia katika jukumu la kuitumikia
klabu hii.
Swali: Ni ngumu kujua
furaha aliyonayo mwanadamu moyoni mwake baada ya kufanikiwa jambo fulani, vipi
wewe umejisikiaje kusajiliwa Yanga?
Mwinyi: Nimejisikia
furaha sana, maisha yangu yanaanza kufunguka-funguka. Jua tu nimefurahi sana
kusajiliwa Yanga.
Swali: Ilikuwa rahisi
kufikia mafanikio ya kusajiliwa Yanga?
Mwinyi: Haikuwa
rahisi, lazima ujitume. Kujituma kwangu ndio kumenifanya nionekane na kusajiliwa
Yanga.
Swali: Vitu gani vya pekee
vimesababisha uonekane wewe tu na si mchezaji mwingine wa Zanzibar?
Swali: Kwanza niseme
ni heshima, halafu pili kiwango na kujituma kwangu. Yanga wameniona kutokana na
juhudi zangu uwanjani.
Swali: Unaiambia nini klabu
yako ya KMKM?
Mwinyi: Hakika
nawashukuru sana kwa kunitunza kutoka mwaka jana mpaka hivi leo (jana)
nasaini Yanga, dolegumba hili hapa! nimesaini Yanga. KMKM pia wamenipa heshima,
naipenda vilevile!
Swali: Hukuzaliwa na
kuanza timu ya Chuoni, halafu ukaenda KMKM na sasa Yanga, tuambie hapo mwanzo
umewahi kuchezea timu gani?
Mwinyi: Nilianza
kucheza timu yangu ya Mapunda Tottenham ya daraja la pili, kutoka hapo nikaenda
Maji Maji, baadaye nikajiunga na Chuoni, halafu KMKM na sasa Yanga.
Swali: Changamoto gani
umekumbana nazo mpaka kufikia Yanga?
Mwinyi: Zipo
changamoto nyingi kama vile kutupiwa lawama, kukatishwa tamaa, lakini nikasema
sikati tamaa, nitajitahidi ili namimi nije kuonekana katika nchi hii.
Swali: Mwaka jana katika
kutimiza miaka 50 ya Mapinduzi ya Zanzibar ulikuwa mchezaji bora wa kombe la
Mapinduzi, unadhani hii pia imekuongezea sifa ya kusajiliwa Yanga?
Mwinyi: Ndiyo!
Imeniongezea sifa kwasababu mimi ndiye nilikuwa mchezaji bora, nilionesha
kiwango japokuwa tulitolewa robo fainali na Simba tukifungwa 2-0 uwanja wa
Chuoni.
Swali: Una uwezo
mzuri wa kupiga mipira ya adhabu ‘Free kick’ na kufunga, unawaahidi wanayanga
kuwa utaendeleza hilo?
Mwinyi: Nitazidisha
kiwango changu kuliko nyuma, nitawafurahisha Wanayanga, tutatunza heshima ya
kutetea ubingwa wetu. Tushirikiane na kufanya kazi nzuri, kwa nguvu ya pamoja
tutafanikiwa.
CREDIT:Shafiihdauda.com
