MWIGIZAJI ‘mama
kijacho’ Aunt Ezekiel amejikuta akidondosha machozi ya uchungu baada ya shabiki
mmoja kujitokeza kwenye mtandao wa kijamii na kumlaani kifo.
Tukio
hilo lilitokea juzikati baada ya Aunt kuweka picha iliyomuonyesha akiwa na Wema
kwenye mtandao wa Instagram akiwa ameshika tumbo lake ndipo mfuasi wa mtandao
huo anayetumia jina la Said Ulimwengu alipoibuka na ‘kukomenti’ kuwa mtoto
atakayezaliwa atakuwa amelaaniwa na hata akijifungua afe na kiumbe chake.
Ujumbe
huo ulisomeka hivi: “Yani ukijifungua naomba ufe na mimba yako maana
utakachokizaa kimeshalaaniwa.”
Chanzo makini kimeeleza kuwa, kitendo cha shabiki huyo kuandika maneno hayo mtandaoni kilimkwaza sana Aunt na kujikuta akibubujikwa na machozi sambamba na kushukwa na presha lakini bahati nzuri alikunywa dawa za kuipandisha, akarejea katika hali yake ya kawaida.
“Ilikuwa
hatari kweli, presha ilishuka sana lakini bahati nzuri alikuwa na dawa za kupandisha
akanywa ndiyo akakaa sawa,” kilisema chanzo chetu.
Aunt
alipotafutwa kuhusiana na habari hiyo alikiri kutokea na kudai amejisikia
vibaya sana shabiki huyo pamoja na mashabiki wengine kupenda kujadili tumbo
lake.
“Najua ni
wengi wanatamani kuniona sipo lakini kila kitu ni Mungu atapanga na si binadamu
yeyote hapa chini ya jua,” alisema Aunt.
