Ndugu yake na msanii Jose Chameleone, Pallaso wa nchini Uganda.
Ndugu
wa msanii wa muziki Jose Chameleone wa Uganda, Pallaso pamoja na A-kay
wamechukua hatua ya kukutana na wazazi wao, dhumuni kubwa la mkutano huo
likielezwa kuwa ni kujadiliana juu ya kesi ya mauaji inayomkabili kaka
yao.
Pallaso
pamoja na Akay wametajwa kuonyesha kuguswa na taarifa za kufunguliwa
upya kwa kesi hiyo ya mauaji dhidi ya Chameleone, kukiwa na mpango wa
kumuweka chini ya ulinzi pindi maelekezo ya kimaandishi yatakapokamilika
na kuwasilishwa kwa polisi.
Chameleone
ambaye amerejea Uganda akitokea Kenya alikokuwa kwa shughuli za
kimuziki, amepokelewa nchini humo na timu yake ya Leone Island, bila
kuonekana kwa hatua yoyote ya vyombo vya usalama kutekeleza kukamatwa
kwake.
